СÆРЗÆД

СÆРЗÆД
Рагон ирон хæдзары сылгоймæгты хайы хурныгуылæны 'рдыгæй къуымы-иу сагъд уыдис алыхуызон нывæфтыдтæй аивгонд сæрмагонд цæджындз. Фидаргонд ыл-иу уыд хъæддаг кæнæ хæдзарон цæрæгойты сыкъатæ. Уый уыдис бинонты амонд хъахъхъæнæг Сæрзæды, Сæры зæды бынат. Сæры зæд уæлдай кадджындæр уыдис æмæ у, хæдзармæ ног чындз куы æрбахæссынц, уæд. Къухылхæцæг æмæ æмдзуарджын æй фыццагдæр кодтой Къонайы рæхысы цурмæ, стæй та Сæры зæды бынмæ. Къухылхæцæг æй хъуамæ бафæдзæхстаид Сæры зæдыл. Чындзæн æртыккаг бон истой йæ хыз. Хызисæг ын, чындз йæ цæгатæй цы тырысагонд – Сæрзæды хæцъил æрбахæссы, уымæй йæ хыз сисы, æртæ хатты йын æй кувгæ-кувын йæ сæрты рахизæрдæм æрзилгæйæ. Хыз йæ дзыппы нывæры, йе 'гъдау скæныны æфсонæн, Сæрзæды хæцъил та тырысайау ныссадзы зæды бынаты. Уымæй бæрæггонд цæуы, чындз бинонтыл кæй бафтыд, Сæры зæд æй кæй банымадта бинонтыл.

Словарь по этнографии и мифологии осетин. 2014.

Поможем написать реферат

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»